District hrang hranga zirho anih tawh hnuah Aizawl khawpui chhunga YMA Branch hrang hrang aiawhte pualin nizan hmasa khan Central YMA hall-ah zirhona hi buatsaih leh a ni a, Central YMA General Secretary Pu Lalhmachhuana chuan, ramngaw humhalh \hat loh vang leh khawsak phung inthlak zel vangin Mizoram sik leh sa nuam tak ni \hin chu a danglam nasa ta hle tih a sawi a, ruah sur hun a pangngai ta lo a, khaw lum leh vawh dan pawh nasa takin a inthlak a, a siam \ha turin mitinin mawh an phur a ni a ti.
Central YMA-a Science & Environment Sub Committee Secretary Prof. Lalnuntluanga chuan, Khawvel lum zel vangin tuifinriat chim chin a sang tual tual a, chhim tawp leh hmar tawpa vur nasa takin a tuiral a, a hun lovah ruah a sur thut thut a, ruahtui tla a mumal lo a, hetiang zela khawvel a kal anih chuan kum 2080 ah chuan sik leh sa vanga raltlan mi tam tak an awm dawn a ni a ti. Prof. Lalnuntluanga chuan, sik leh sa danglam zel a ziaawm theih nan kumtin lo vat lova huan nghet neih a pawimawh tih a sawi a, ram ti kang lo tura \anlak te, bawlhhlawh tih tlem leh hman nawn theih chi hman nawn uar te, ramngaw siambelh leh tuna a awmsa humhalh te, ni zung chakna hman uar leh ruahtui khawl khawm te chu sik leh sa danglam chak zel do letna tura thil pawimawh a ni a ti. Central YMA Science & Environment Sub Committee Chairman Pu Lalhmangaiha kaihhruai zirhonaah hian khawpui chhung branch hrang hrang aiawh mi 162 an tel a ni.
