Central YMA hnuaia thuneitu sang, Central Executive Committee chu vawiin khan Aizawl Tuikhuahtlanga Central YMA Committee Room-ah an thukhawm a, Chakma Autonomous District Council thiah rawtna chungchang an ngaihtuah.

0
218
views

He \hutkhawmna hi Central YMA President, Pu Vanlalruata’n a kaihruai a, nikuma Champhai Zotlanga YMA General Conference-in a rel, dan lova din Chakma Autonomous District Council chu dan anga \hiah a nih theih nan Central YMA-in hmala rawh se tih bawhzui dan tur an ngaihthuah a ni. CEC meeting thutlukna siam hi hriat theih a la ni rih lo a ni. Vawiina CEC \hukhawm hian, Central YMA hnuaia thawktute hlawh leh Service rules chungchang pawh an ngaihtuah bawk a ni.

Zonet zawhna chhangin Central YMA President, Pu Vanlalruata chuan, Chakma Autonomous District Council \hiah a nih theih nan hian Central YMA chuan hma a la nual tawh tih sawi a. An zirchianna a\angin Chakma Autonomous District Council din danah thil dik lo a awm tih an hmuhchhuah tawh thu leh hei hi mithiam zawkte ber^wn chunga bawhzui zel a nih tur thu sawiin, engpawh hmachhawn dawn se, Chakma Autonomous District Council chu \hiah a nih theih nan Central YMA chuan hma lak a tum tih a sawi a ni.