Central YMA President, Pu Vanlalruata chuan, nikuma Champhai Zotlanga YMA General Conference neih \um khan, Pesticides hmang fimkhur tura inkaihhruaina dan siam a nih theih nan Central YMA-in hma la rawh se tih an lo rel angin he inkawmna hi buatsaih a ni tih a sawi a. YMA-in thu a dawn danin, Mizoram khawtlang lamah chuan kutlawnga pesticides khawih vanga boral mi 2 an awm tawh nia hriat a ni a, hei hi mihring hriselna atana a \hat loh piah lamah thlai enkawl nana hman a nih pawhin hriselna a khawih pawi theih dan ala awm cheu nia an hriat thu sawiin, hei hi mipui a bikin huan neituten fimkhur zawka an hman theih nan inzirtirna neih a, a hman dan tura inkaihhruaina mumal tak siam chu Central YMA chuan \ha a ti tih a sawi a ni. An inkawmnaah hian Horticulture Minister, Pu PC Lalthanliana chuan Central YMA hruaitute thu thlen chu thil pawimawh tak nia a hriat thu sawiin, an duhnate tihhlawhtling tura \anlak a tum thu a lo hrilh a ni.
Central YMA hian Pesticides hmang fimkhur tura \anlak a nih theih nana hma an laknaah Agriculture Minister, Pu KS Thanga pawh an lo kawm tawh a, hemi bawhzui hian Agriculture Department chuan Aizawl leh Lunglei District-a YMA hruaitute leh huan neitute tan Pesticides hman dan inzirtirna an lo buatsaih tawh a ni.
