Central YMA leh PWD-ten thawhhona thuthlung an siam

0
542
views

Nikuma Champhai Zotlanga YMA General Conference neiha thutlukna lo siam tawh bawhzui nan Central YMA leh PWD-te chuan thawhhona thuthlung an siam. He thuthlung hi Chief Minister’s Conference Hall-a nimina inkhawmah siam a ni a, Central YMA aiawhin President, Pu Vanlalruata’n a hming a ziak a, PWD aiawhin Engineer-in-Chief, Pu R. Vanlaltluanga’n a hming a ziak a ni. He inremna thuthlungah hian PWD-in kawng siam hna a thawh \ha tawk taka a hun taka zawh a nih theih dan tur ngaih pawimawh a ni a, hna \an hma leh thawh laiin hna thawhna huam china Branch YMA hruaitute chu hnathawh dan tur hrilhfiah hmasak an ni anga, hnathawh laiin YMA leh PWD ten an bialtu MLA leh tlawmngai pawl dangte sawmin hnathawh dan a hmunah an enfiah \hin anga, kawng siamtu Contractor-te nena thawhho dan turte, kawngin a paltlang khuaa kawng dal lo leh tichhe lo zawnga insak dan turte an ngaihtuah tel bawk anga, a paltlang khuaah hna \an a\anga hmasawn zel dan tarlanna Board siam a, mipui hriat theih tura hnathawh dan tarlan a ni bawk ang. Inremna thuthlung siamna inkhawma tel, PWD Minister, Pu Lal Thanzara chuan Mizoramin kawng \ha a neih theihna tura PWD leh YMA-in thawhdunna thuthlung an siam chuan rah \ha a chhuah a beisei thu te, tunhnai a\anga ruahsur nasa avanga kawng chhia leh pingte a rang thei ang bera siam tlang leh a nih thu te leh PWD hman tura JCB leh Tipper thar an pek chhuahte chu \angkai taka hman a nih thu te a sawi a ni. Central YMA President, Pu Vanlalruata pawhin inremna thuthlung hi nikuma Champhai Zotlanga YMA Conrerence neiha Mizoram chhunga inkalpawhna kawngpui \ha leh changtlung zawk neih theihna tur Agenda pass tak bawhzuina a ni tih sawiin kawngpui hi Mizo mipuite ta a ni a, PWD-in an enkawl a ni tih hre turin mipuite a ngen a ni. PWD E-in-C Pu R. Vanlaltluanga chuan thu sawiin NEDP a\anga hnathawhna tura sum PWD-in a hmuh zinga za zela 70 chu kawng neih sa siam \hat nen hman a ni anga, za zela 27 chu hnathawh kal mek chhunzawm nan hman a ni a, a bak za zela 3 chu lei thuam \hat nan hman a ni dawn niin a sawi a, Hlimen, Samtlang leh Lungleng khuaahte khawtlang mipuite nen thawhhona \an niin a sawi bawk. He inkhawmah hian Principal Secretary PWD changtu, Pu Lalram Thanga, PWD Senior Officer-te leh CYMA hruaitute an tel a ni.