Central YMA President, Pu Vanlalruata, Joint NGO Coordination Committee Chairman ni bawk chuan tun thla ni 2-a sorkar laipuiin Tripura Bru Relief Camp 6-a Mizoram mi lakletna tur ruahmanna a siam chu a tha-in a felfai hle niin a sawi

0
517
views

Jt. NGO Co-Ordination Committee hi vawiin khan Tuikhuahtlanga Central YMA Committee Room-ah an \hukhawm a, hetah hian tun thla ni 2-a Sorkar laipui, Mizoram Sorkar, Tripura Sorkar leh Mizoram Bru Displaced People Forum-in inremna siam a, Tripura Transit Camp-a awm Bru-te Mizorama an awmna hmun \heuha let leh tura thutlukna an siam chu \ha an tih thu sawiin, an inrem ang ngeia Mizoram khua leh tui dik tak 1995 Electoral Roll-a chuangte leh an thlah kal zelte chu an lo let ngei an beisei thu leh hetah hian Mizoram mi dik takte chauh an lo let theih nana Sorkar nena ruahmanna \ha tak siam a ni chu lawmawm an tih thu an sawi a ni. Jt. NGO Co-Ordination Committee chuan, inremna anga Bru-te Mizorama an lo let fel hnua Tripura-a Bru Transit Camp khar hlen tura ruahmanna awm pawh \ha an tih thu an sawi a ni. Jt. NGO Co-Ordination Committee chuan sorkar ruahmannate thlawp turin Mizo mipui zawng zawng an ngen a, hetih rual hian NGO Co-Ordination Committee chuan inthlan kaihhnawih thil reng reng erawh chu Mizoram pawna kalpui a remti ngai dawn lo tih an sawi thung a ni.

Vawiina Jt. NGO Co-Ordination Committee \hukhawm hi an President, Pu Vanlalruata’n a kaihruai a, Central YMA, MUP, MHIP, MZP leh MSU aiawhte an tel a ni.