Zonet zawhna chhangin Pu Vanlalruata chuan, kum 2012 khan Joint NGO meeting in Assam Rifles ram luaha mimal ram neite chu surrender turin an lo ngen tawh tih a sawi a, an hriat theih chinah AR ram luahah mimal ram nei 50 vel an awm a, ngenna an siam zawmin mi pahnihin an LSC surrender-in Central YMA kutah an pe a, mi pathum emawin Revenue Dept ah an thehlut bawk nia an hriat thu a sawi.
Pu Vanlalruata chuan AR in an awmna tura tih Zokhawsanga an awmthuai theih nan Home Principal Secretary Pu Lalnunmawia Chuaungo pawh an lo sawipuitawh thu sawiin hmapawh a la nghal niin a sawi a, tuna sorkar laipuiin chhuahsan tura Order a rawn chhuah ta chu lawmawm an tih thu sawiin hetihlai hian Mizoram sorkar in tih hmabak a neih te pawh rang taka thawk thuai tura an duh thu a sawi.
AR ramluah chhuahsan te chu vantlang taka \angkai taka hman an duh ber tih Central YMA President chuan a sawi a, sorkarin mimal ram pek a nih loh tur thu an sawi laia tuna LSC nei engemawzat an awm chuan ngaih a ti \ha lo hle tih sawiin vantlang tana \agkai taka hman a nih ngei theih nan hma an la dawn tih a sawi.
