Central Young Lai Association Executive Committee Lawngtlaia vawiina an office-a \hukhawmin Lawngtlai District Land Owner Association ten he kawngpui siamna atana ram an hman compensation pek thuai phutna atana Multi Modal Transit Transport Project kawng tun thla ni 1 a\anga vawiin thlenga an dan pin chungchang an ngaihtuah a, Central YLA Executive Committee Meeting, an President, Pu J. Sangthangpuia kaihhruai hian Lawngtlai District Land Owner Association te chu kawng siam hnathawktute an dan bansan turin ngen ni se an ti a, hemi rual hian compensation an phut chu a pe theitu hnenah nawrpui ni se an ti bawk a ni. CYLA hruaitute chuan kawng siam hnathawktu, ARSS leh RDS ten hnathawh an chhunzawmna hmun naktukah tlawhin an harsatna tawh te a hmunah enpui an tum bawk a ni. He Committee Meeting hian kum2018 atana YLA kumpuan ‘faina leh thianghlimna’ tih hawn ni atan May ni 11 an ruat a, hawngtu atan an President, Pu J. Sangthangpuia an ruat bawk a ni. Hetihlai hian Lawngtlai District Land Owner Association chuan kawng siamtu ARSS leh RBS te chu an hnathawh chhunzawm lo turin nimin khan hriattirna an pe nawn leh a ni.
