Chakma Autonomous District Council-a tangrual sorkar an siam turah Chief Executive Member an chan ngei a beisei tih Mizoram State BJP President, Prof. JV Hluna’n Zonet a hrilh

0
237
views

Chakma Autonomous District Council-a \angrual sorkar an siam turah Chief Executive Member an chan ngei a beisei tih Mizoram State BJP President, Prof. JV Hluna’n Zonet a hrilh a. Sorkar siam dan tur ngaihtuah hian vawiin khan Delhi-a BJP Observer, Mizoram changtu Pu Pawan Kumar leh Guwahati-a North East Zonal General Secretary, Pu Ajay Jamual-in Mizoram an lo pan bakah an Party Ticket-a MDC a tana thlan thar mi 5 leh an party hruaitu \henkhatin Chawngte a\angin Aizawl an lo pan mek nia sawiin, heng mite hian sorkar siam dan tur an sawi ho dawn niin a sawi. Prof. JV Hluna chuan, CADC-a \angrual sorkar siam turah hian an party chuan Chief Executive Member an chan ngei an beisei thu sawiin, hei hi an party duh dan pawh a nih thu leh hetiang tur hian inremna a awm thei lo a nih chuan an kal zel dan tur chu an Party hotuten an sawi \hat leh tur thu a sawi. Zawhna chhangin Mizoram State BJP President chuan, CADC-ah MNF Party nen \angrual Sorkar siam dawn mah se, kumin kumtawpa Assembly inthlanpui neih turah chuan MNF hi an thawhpui dawn tihna a nih kher lo niin a sawi a. Tun dinhmunah chuan Party mala sorkar siam tumin chak taka hma an lak mek thu leh inthlanna neih zawhah Party mala sorkar siam thei an awm tak loh leh a \ul a nih chuan Sorkar siam tura Party thawhpui tur a nih leh nih loh an la ngaihtuah tur thu a sawi bawk. Prof. JV Hluna chuan, an beisei dan chuan CADC inthlan ang bawk hian kumtawpa State Assembly inthlanpui neih turah pawh BJP chu a chet \hat leh ngei an rin thu a sawi a. Party mala sorkar an siam lo a nih pawhin sorkar siamtu zingah a meizanghlaptu an ni ngei dawn niin Mizoram State BJP President chuan a sawi a ni. Puan tawh angin nimina Chakma Autonomous District Council inthlan result puan takah Party mala sorkar siam thei an awm loh avangin member 5 neitu BJP leh member 8 neitu MNF chuan \angrual sorkar an siam tur thu nimin khan an puang a, MNF Presiden, Pu Zoramthanga chuan \angrual sorkar an siam turah MNF chu member ngah zawk a nih angin dinhmun \ha zawka an din a beisei thu thuthar lakhawmtute a lo hrilh tawh a ni.