Chakma Autonomous District Council-a United Legislature Party hruaitu, Pu Santi Jiban Chakma chu vawiin chawhnu khan Chakma Autonomous District Council Chief Executive Member atan lakluh a ni. Lakluhna inkhawm CADC Art &Culture Hall-a neihah Lawngtlai Bawrhsap, Pu N. Chakhaia chuan rinawmna thu tiam tirin Pu Santi Jiban Chakma hi CEM atan a la lut a ni.
Hemi hmalam vawiin chawhma khan CADC member atana thlantlin thar mi 19-te chu CADC Art & Culture Hall-ah rinawmna thu tiam tira MDC atan lakluh an ni a, hengte hi MNF member 8, Congress member 6 leh BJP member 5 an ni. Hemi hnu hian session hmasa ber Protem Chairman, Pu Hiranand kaihruaia neih a ni a, hetah hian Vaseitlang bial a\anga Congress ticket-a thlantlin, Pu Buddha Lila Chakma chu CADC Chairman atan thlantlin a ni.
