Chakma Autonomous District Council-ah member 6 nei Congress leh member 5 nei BJP ten sorkar intawm an siam dawn

0
383
views

Chakma Autonomous District Council-ah member 6 nei Congress leh member 5 nei BJP ten sorkar in\awm an siam dawn. Hemi chungchangah hian vawiin chawhnu khan Congress leh BJP Joint Legislature Party din thar chu Chawngte Tourist Lodge-ah an \hukhawm a, an hruaitu atan Chhotapansury bial a\anga BJP ticket-a thlantlin, Pu Santi Jiban Chakma thlan a ni. Pu Santi Jiban Chakma hi Congress leh BJP Legislature Party chuan CADC Chief Executive Member atan an pawm a, an thutlukna siam hi an pawm vek tih entirnan an hming an ziak hlawm a ni. He Joint Legislature Party Meeting hian Vaseitlang bial a\anga Congress ticket-a thlantlin, Pu Buddha Lila Chakma chu Deputy Leader atan an ruat a, Mandirasora bial a\anga Congress ticket-a thlantlin, Pu Onish Moy Chakma chu an Legislature Party Secretary atan thlan a ni bawk. Puan tawh angin CADC-ah hian member 20 an awm a, tun \um inthlannaah hian Fultuli biala Congress candidate, Pu Kali Kumar Tongchongya chu chuhtu awm lova thlantlin niin Returning Officer-in a puang a, hei hi pawm thei lovin amah khingtu MNF Candidate chu High Court-ah a zualko avangin Courth chuan he result hi a hreng rih a ni. Tuna CADC sorkar thar dintu tur Congress member thlantlinte hi Rengkashya bial a\anga thlan, Amit Kumar Chakma, Udalthana bial a\anga thlantlin, Ajay Kumar Chakma, Mandisora bial a\anga thlantlin, Onish Moy Chakma, Vaseitlang a\anga thlantlin, Buddha Lila Chakma, Devosora South a\anga thlantlin, Bubon Kumar Chakma leh Parva bial a\anga thlantlin, Mohan Chakma te an ni a, BJP member te chu Baropansuri II a\anga thlantlin, Kusum Loda, Chhotapansury bial a\anga thlantlin, Santi Jiban, Bajeisora a\anga thlantlin, Anil Kanti, Kamlanagar West a\anga thlantlin, Shanjib Chakma leh Damdep bial a\anga thlantlin, Hiranand Tongchongya te an ni.

ZONET zawhna chhangin MPCC Legislature Party Secretary, Pu Zodintluanga chuan CADC-a Congress leh BJP \angdun sorkar in\awm din tur hi Party pahnih MDC thlantlinte duhdan leh \ha tih anga siam a ni a, party pahnih, Congress leh BJP thawhdunna hian Delhi tlanga an party hruaitute leh Mizoram chhunga an party hruaitute thawh dunna lamah nghawng engmah a nei dawn lova, Chakma Autonomous District Council huam chhung chauha thawh dunna tur a ni dawn niin a sawi a ni. CEM thar tura thlan, Pu Santi Jiban Chakma chuan CEM a nih huna a kaihhruai sorkar ngaihpawimawh tur chu inkalpawhna kawng \ha tawka siam te, a thawhpuite nen \ha taka thawhho leh Mizoram sorkar nena \ha taka thawh dun niin a sawi a ni.

Hemi hmalam nimin chhuna inthlanna result puan zawh a nih hnuah thlantlinte zingah sorkar siam dan tur chungchanga indawrna chi hrang hrang a awm a, Member ngah ber, MNF President, Pu Zoramthanga chuan Zonet zawhna chhangin sorkar siam tumte zingah Drama chi hrang hrang a la kal mek niin a sawi a, member 8 nei MNF chu member ngah ber a ni avangin BJP nen sorkar in\awm an siam dawn niin a sawi a, hetihlai hian BJP Mizoram Pradesh President, Prof. JV Hluna pawhin an party MDC 5 te chu Delhi lama an party hruaitute duhdan angin Aizawlah koh an ni a, vawiin chawhnu khan Chawngte an chhuahsan dawn niin a sawi a ni. Hemi hmalam nizan khan BJP member thlantlin thar pahnih te chu MNF Camp-ah hruai hran nia sawiin, mi \henkhat lungawiloten boruak an siam deuh nia sawi a ni a, venhimna lam pawh tih \hat zui a ni a, amaherawhchu buaina chhuak engmah a awm lo a ni.