Chakma Autonomous District Council (CADC) huam chhunga Village Council inthlanna leh Lai Autonomous District Council (LADC) hnuaia Council Venga VC seat khat hnawh khat tura by-election neih tura Returning Officer tur mi 116 te chu vawiin khan Lawngtlai DC Conference Hall-ah training neihpui an ni.

State Election Commission chuan CADC huam chhungah VC inthlan buatsaih turin hma a la chho mek a. Returning Officer training-ah hian District Election Officer, Lawngtlai Bawrhsap Pi Shahshanka Ala chuan tluang taka inthlan a nih theih nan theih tawp chhuah turin Returning Officer-te a chah a ni. Chakma Autonomous District Council huam chhungah hian village council 88 awmin, hmeichhe tana seat hausak 88 nen VC member thlan tur 516 an awm a. Election Department lamin an chhinchhiah danin CADC-ah hian in ding lai 15174 a awm a ni.