Vawiina CADC thlasik \hutkhawm neihah Chairman rintawk lohna motion hi put luh a ni a, hei hi vawiin chawhnu khan vote laa buk a ni a, CADC-a member awm zawng zawng 19 zinga 10-in Chairman rintawk lohna motion thlawpin vote an pe a, member 1-in Chairman ring tawk lamah vote a thlak a, member 7 erawh chuan khawi lam lamah mah vote an thlak lo a ni. Hemi hnu hian Deputy Chairman, Pu Durjya Dhan Chakma chuan Chairman, Pu Buddha Lila Chakma chu paih a ni tih a puang a ni.
Puan tawh angin Chakma Autonomous District Council-ah hian MNF Member 7 leh Congress member 4, tun hnaia MNF party zawm ta te chuan Pu Rasik Roshan Chakma kaihhruai MNF sorkar thar an siam thei tih Larsap, Kummanam Rajasekharan tun hnai khan an hrilh a, BJP hruaitu, Pu Shanti Jiban Chakma kaihhruai sorkar chu thlawptu ngah tawk tawh lo a ni tih sawiin, bang turin an phut a ni.
