VC inthlanpui-ah hian nimin khan mipuiten vote an thlak a, VC 88-a seat awm zawng zawng 516-ah Mizo National Front, MNF-in seat 372 lain, khaw 65-ah hnehna an chang a ni.
BJP chuan seat 115 lain, khaw 16-ah hnehna an chang a; Independent candidate-te’n seat 27 lain, khaw 3-ah hnehna an chang a; Indian National Congress (INC)-in seat 2 an la a; chak ber awm lohna, khua 4 a awm bawk.
CADC VC inthlanpui neih rual hian LADC hnuaia Council Veng VC seat khat hnawh khahna tura by-election buatsaih a ni a, hetah hian MNF candidate Vanlalduhenga thlan tlin a ni bawk.
Mizoram State Election Commission-in ruahmanna a siam danin village council 88-a member thlan tlinte hian March ni 17 hma ngeiin executive body an siam fel ang a. March ni 18-ah chuan inthlan kaihhnawih eng kim zo fel hman tura ruahman a ni.
