Chakma Autonomous District Council thiah theih nan Central YMA-in hma la turin General Conference-in ti

0
405
views

YMA General Conference-in Chakma Autonomous District Council hi \hiah a nih theih nan Central YMA-in hma la rawh se tih an pass a, nakkuma YMA kum puan atan ‘Ram leh hnam humhalh’ tih thlan leh a ni. YMA General Conference vawi 71-na, Champhai Zotlanga neih mekah vawiin khan rorel a ni a, kum 2019-a Gen. Conference neihna atan North Vanlaiphai thlan a ni bawk. Rorel palai 1,433 hian Central YMA President, Pu Lalbiakzuala kaihhruaiin Pandal, Zokhawpui R<nah ro an rel a, kum 2017-2018 budget atan lungrual takin Rs.1,14,87,900/- an pass a, he budget hi CYMA Treasurer, Pu J. Lalsailova’n a pharh a ni. YMA khawih Agenda 5 te chu pass vek a ni a, chungte chu Mizo Lengkhawm, khawhar hla kan neihte hi \hangtharten a thluk kan hriat reng theihna turin Solfaa a thluk dan dah a nih theih nan Central YMA-in hma la rawh se, hlo túr leh rannung thahna hlo chu fimkhur tak leh a nihna tur ang taka hman a nih theih nan a \ul anga hma lak ni , ruihhlo ngaite chhanchhuahna tur Rehabilitation Centre \ha leh changtlung tak neih theih nan Central YMA-in hma la rawh se tih te, Mizoram chhunga Central leh State Institution hrang hrangah Mizo-ten seat tam zawk an chan theih nan Central YMA-in hma la rawh se tih te, Mizoram hmun hrang hranga inkalpawhna kawngte hi tun aia \ha zawk leh changtlung zawka siam a nih theih nan Central YMA-in hma la rawh se tih te a ni. Sorkar khawih Agenda 3 an pass takte chu tun aia intodelh zawk theih nan thingtlang a\anga thlai tharte Aizawl khaw chhunga zawrhna tur, sorkarin ngaihtuah rawh se tih te, Mizoram leh Bangladesh inri-na khauh taka ven him a nih theih nan hma la turin sorkar ngen ni rawh se tih leh, dan lo anga din, Chakma Autonomous District Council hi dan anga \hiah a nih theih nan Central YMA-in hma la rawh se tih te a ni.

Vawiina rorel \an hma hian nikum Conference leh tun Conference inkara member thi, mi 797-te sunna hun hman a ni a, Central YMA President, Pu Lalbiakzuala’n YMA General Conference Souvenir a tlangzarh bawk. Tun \um Conference-a palai kal in report zawng zawng chu 4,000 chuang an ni tawh a, an motor hman hi 500 vel a ni. Rorel chhung hian Mangkhaia Hall-ah CEC member, Pu Jeffrey L. Fanai khaihhruaia Variety Programme hman a ni a, zaithiamte an zai a, thusawi ngaihthlak a nih b^kah special item, mipui zaiho, lemchan, hnam lamte entir a ni. Zanin dar 7 leh dar 10:30 inkarah Pandal-ah vantlang inkhawm neih leh a ni ang a, hetah hian Conference khuallian, CM, Pu Lal Thanhawla’n thu a sawi ang. Naktuk, Conference zawh ni-ah chuan kum 2017-2019 chhung atana hruaitu thar turte thlan an ni ang a, Central YMA chuan nominate list a siam tawh a, chutah chuan mi 17 hming a chuang a ni. Puan tawh angin Office Bearer-te hian an chanvo ngai, \um hnih aia tam a zawna an chelh phal a ni lo a ni.