Champhai leh Serchhip DEO hnuaia High School Hindi Zirtirtute tana training tan

0
470
views

Central Institue of Hindi (C.I.H), Agra Regional Centre Shillong, Directorate of School Education leh DIET Aizawl \angho buatsaih Champhai leh Serchhip DEO hnuaia High School Hindi Zirtirtute tana training chu vawiin khan DIET Auditorium Aizawl-ah \an a ni. Training hawnna inkhawm tawi buatsaih chu Hindi Education Officer Dr. C. Lalrampana’n a kaihhruai a, School Education Department Deputy Director (Hindi) Pu Lalchungnunga chuan thu sawiin, Hindi Zirtirtute chu Hindi Education awmzia hrechianga awmze nei taka naupangte zirtira Hindi \awng hmang thei ngei ngei tur leh a hawrawp hneh taka hmelhriat thei tura zirtir \hin tur te, \hahnemngai taka zirlaite zirtir \hin tur te-in a fuih a ni.

Inkhawmah hian Regional Director C.I.H Shillong Centre Dr. Bijendra Singh pawhin thu sawiin, North East-a Hindi zirna-in hma a sawn chak dante a tarlang a, Mizoram chu NE state dangte aia Hindi zirtirna lama hma an sawn chak thu leh Mizoram sorkar leh a bikin Directorate of School Education leh DIET Aizawl-in an program tihlawhtling tura a thawhhlawk thu a sawi bawk. Tun \uma Champhai leh Serchhip DEO hnuaia High School Hindi Zirtirtute
Training tur hian zirtirtu 44 koh an ni a, tun thla ni 21 thleng an training dawn a ni.