Champhai Police-ten Ramhrangkawnah Pseudoephedrine dip, kg 12-a rit an man

0
693
views

Champhai Police-ten vawiin chawhnu khan Champhai zawla Ramhrangkawnah ruihhlo, Pseudoephedrine dip, kg 12-a rit an man. He ruihhlo hi Taxi pakhat MZ 04/8437 a\anga man a ni a, a neitu nia hriat, Lalsangzuala, kum 50 mi, Durtlang Leitana Za\huamluaia fapa nia inchhal leh Champhai Tlangsam veng ve ve nia insawi, VL Siama Fanai, kum 38 mi, F. Lalsangliana fapa nia insawi leh C. Lalrinfela, kum 39, Lianluta fapa nia inchhal pawh man an ni. Heng mite leh Pseudoephedrine an mante hi Champhai Police Station-ah lak an ni a, thil chiang zawka hre turin thu zawhfiah mek an ni a, thubuai rit tak siamsak an ni dawn a ni. An ruihhlo man hi Champhai rate a\anga chhutin cheng nuai 120 man vel a tling a ni.