Champhai South Block MNF Extended Meeting-in Lok Sabha MP Pu C. Lalrosanga’n Mizorama Citizenship Amendment Bill (CAB) hman a nih ve lohna tura theihtawpa a hmalakna avangin hman a ni ta lo a ni an ti a, MP hmalakna chu chhuanawm an tih thu an sawi.

Champhai South Block MNF Extended Meeting hian resolution pass in Pu Zoramthanga kaihhruai sorkar hnuaiah mipui nitin mamawh, Tui, Gas, Buhfai a awlsam ta a ni an ti a, kawngpui \ha an nei ta chu lawmawm an tih thu an sawi bawk. Meeting hmanpuitu bialtu MLA Transport Minister Pu TJ Lalnuntluanga chuan ram leh hnam rawngbawl hna thawk tura thlangtu, Pathian hre reng tur leh a tak taka hmasawnna hna thawk tura inlungrualna vawng nung zel turin an party mite a chah a, Village Council inthlanna neih turah hnehna an chan theih nan tun atanga inbuatsaih turin a chah a ni.

Meeting hi Block President Pu R. Thangseia’n a kaihruai a, VC inthlan lo awm tur atana inbuatsaih lawk dan tur leh bial hmasawnna hna thawh dan turte an sawiho a ni.