Champhaia chanchinbu mite a kawmnaah Pu Rex Zarzoliana Vanchhawng chua, ruihhlo do beihpui an thlak turah awmze nei zawk leh sawt zawka kalpui dan tur duan a ni, a ti a. Ruihhlo ngaite enkawlna tur pawh tlawmngai pawl leh khawtlang \angruala buaipui dan dap a tum thu a sawi. Champhaia lirthei pung zelah traffic tawt avanga harsatna thleng chho zel tur venga, tun aia awmze nei zawka lirthei chetvelna pawh kaihhruai tum a nih thu Champhai SP chuan a sawi a, hemi kawngah hian dan kengkawhtute chauh ni lovin VC leh mipuite pawhin mawhphurhna lian tak an nei a ni, a ti a. Champhaia lirthei khalhtute chu traffic dan an hriatna atan a tahtawla inzirtirna neihpui tum a nih thu leh rui chunga lirthei khalh an awm lohna tur te, lirthei registration nei lo leh lirthei him lote dap chhuah zel tum a nih thu a sawiin, hemi kawnga hma an laknaah thuthar thehdarhtute chu \awiawm zel turin a sawm a ni.
