MJA Champhai Press Club-a Miss Mizoram Champhai District 2020 Result puanna inkhawm hi Champhai District MJA President, Pu C. Lalhnunpuia’n a kaihruai a, Chief Judge Pu R. Lalnunmawia’n Miss Mizoram Champhai District 2020 atan Champhai Zotlanga cheng Lalmuansangi thlan a nih thu hi a puang a. Judge, Dr. F. Lalfakawmi’n Miss Mizoram Champhai District thlan a nih dan a sawifiah bawk.
Miss Mizoram Champhai District 2020 a thlan tak Lalmuansangi hi Pu Israel Lalmalsawma leh Pi Varhmingthangi te fanu a ni a, zirna lamah Mizoram University a\angin MA English a zo tawh a, tunah hian MZU-ah B.Ed a zir leh mek a ni. Lalmuansangi hi zai thiam a nih bakah lemziak pawh a thiam a. Govt Champhai College-a a kal laiin zirlai thiam thei bik lawmman Dr. CJ Goerge Proficiency Awarh \um hnih alo dawng tawh a ni.
