Helai kawnga lung tla mai theite hi Aizawl DC Office-a Disaster Quick Response Team-in tukin dar 11 a\ang khan an thinfai a, Zonet zawhna chhangin Quick Response Team hotute chuan, kar kalta khan helai kawngah thing tlu vangin harsatna a lo thleng tawh tih an sawi a, hei hi a ni la la-a thenfai nghal ni mah se, thing tlukna bul velah hian lung tla leh mai thei eng emawzat a awm tih hmuh a ni a, hei hi helai kawng zawhtu mipui leh lirthei tan him lo thei a nih avangin lung tlak hlauhawm zualte chu an thifai ta tih an sawi. Helaia hnathawh a nih avang hian Chanmari leh Chaltlang inkar kawng chu chawhma dar 11 a\ang khan khar a ni a, Traffic Police hotute chuan, Aizawl chhim leh hmar lama kal tur lirtheite chu Ramhlun lamah kaltir vek a ni a, hemi avang hian hmar lam Ramhlun chhehvelah chuan vawiin khan lirthei che vel nasa takin a buai a, chutih rualin harsatna liantham thleng erawh a awm lo tih an sawi.
Lung tla mai theite hi chawhnu dar 1:30 vel khan thenfai zawh a ni a, dar 2 velah kawng hi lirthei chi tin zawh theih a hawn nghal niin, hemi avang hian Ramhlun veng leh a chheh vela Traffic tawt nasa pawh a ziaawm leh nghal a ni. Traffic hotute chuan, \ul bik thil vanga kawng khar ngai awm \hinah mipuiten Traffic Duty-te thuawih taka an zawm \hin chu an lawm hle tih an sawi a, tun hnu zelah pawh hetianga ruahmanna bik siam chu mipui \hatna tur a nih avangin zawm hram hram \hin tura an duh thu an sawi a ni.
