Chanmari West Branch MHIP in vawiin khan Chanmari West YMA Zawlbuk-ah kum 30 an tlin champha Pearl Jubilee an lawm.
A hmanpuitu PWD Minister leh bialtu MLA Pu Lal Thanzara chuan mi dangte tana malsawmna ni tura pawl ding MHIP, YMA leh MUP te chu mizote vanneihna thlentu a ni a ti a, hawtlang tan mai ni lovin sorkar tan kut ke pawimawh tak an ni a ti.
Jubilee lawmna hi Branch MHIP President Pi PC Chuaudingliani’n a kaihruai a. Ward Councillor Pu C. Lalmuanpuia bakah MHIP General Headquarter huraitu te leh Branch YMA, Local Council leh Civil Pensioner aiawh ten an hmanpui a. Hemi hmalam hian Chanmari West MHIP building-a Pearl Jubilee lungphun chu Branch MHIP President Pi PC Chuaudingliani’n a hawng a ni.
