MADS hian thupha chawina leh ngaihdam dilna tih thuchhuah siamin, Mizoram sorkar in chapchar kut lawmna peng pakhat atana a buatsaih, ARt Exibition-ah mi tam tak rilru hliam thei zawnga an member pakhatin Chief Minister zahawm tak Pu Zoramthanga lem a pho chhuak chu pawi an tih thu an sawi a. An tihsual palhah Chief Minister Pu Zoramthanga chungah thupa chawiin ngaihdam an dil tih an sawi a. A buatsaihtu Mizoram sorkar, Information & Public Relations Dept leh he lemziak avanga mi thinlung an hliam te zawng zawng chungah pawh thupha an chawi tih an sawi. MADS hian Mizo Artist te hmasawnna tura kawng hrang hranga Mizoram sorkarin hma a lakna leh ruahmanna a neihte lawmawm an tih thu an sawi bawk a. Hetiang thil duhawm lo hi a thlen leh tawh lohna turin fimkhur takin thil an kalpui zel dawn tih an thuchhuahah hian an tarlang a ni.
Hetihlai hian lemziaktu, Lalthlanchhuaha chuan MADS lamin a lemziak phochhuah chungchang ‘thil duhawm lo’ leh ‘tihsual’ nia an hmuh avang leh ‘thleng nawn tawh lo tura’ an duh thu an sawi avangin zalen taka ngaihdan puanchhuahna platform nia a lan tak loh avangin MADS a\anga banna a thehlut tih a sawi a. A painting MNF thalaiten an la chu amah mimal beihna aiin, Art beihna a ni a ti a, Mizoram Art Development Society in thuchhuah an siam dan chu sorkar thuneihna hmanga art hupbeh tumna nia a ngaih thu a sawi.
Lemziaktu Lalthlanchhuaha hi Mizoram University-a Asst Professor hna chelh mek, JNU-a Master of Fine Arts a zawh hnu-a, Goldsmiths, University of London-a M.Res in curatorial/Knowledge zo hlim a ni.
