Chapchar kut naktuk leh naktip-a hmang tura inbuatsaihna peihfel a ni a, kut puala buatsaih eitur leh mizo puan lam chi te phochhuahna exhibition chu vawiin khan Commerce and Industries Minister Dr R Lalthangliana’n a hawng.

Commerce & Industries Department buatsaih Food Court, Handloom & Handicraft Exhibition hi sipai Lammual sir a Basketball Court-ah neih a ni a, Handloom & Handicraft stall 20 leh Food Court 16 siam a ni a, Chapchar Kut chhimtute tan eitur tuihnai leh thianghlim tak tak bakah mizo kutchhuak hnam zia rang tilang thei thil thahnem tak zawrh chhuah a ni.