Cheng nuai 1100 seng a sak, Urban Development & Poverty Alleviation Directorate building thar, Mizoram New Capital Complex ami chu vawiin khan Deputy Chief Minister Pu Tawnluia’n a hawng.

0
338
views

Building thar sakna tur hian kum 2013-14 ah Special Plan Assistance hnuaiah sum ruahman a ni a, kum 2015 october thlaah hna thawh \an a ni a, kum 2017-2018 chhungin NEDP hnuaiah sak zawhna tur sum hmuh belh leh a ni a, kumin June ni 15, khan building hi sak zawh a ni a, chhawng 9-a sang a ni.

UD& PA changtu nibawk Pu Tawnluia chuan hawnna thu sawiin UD & PA chu department pawimawh tak, khawsak chawikan kawnga kawng hrang hranga hma la \hintu, Scheme hrang hrang enkawltu leh viltu pawimawh tak a ni a, notified town 23 huam chhungah hmasawnna hna ngawrh taka kalpuitu a ni a ti a, Town & Country Planning hnuaiah District Headquarters zawng zawng tan master plan siam anih thu leh Town 13 ah Master Plan siam tawh anih thu a sawi a, heng Master Plan te hi a hlui deuh tawh avangin ennawna siam\hat leh mek a ni a ti.

Tuirial kama bawlhhlawh paihna Tuirial Dumping Ground hman mek chu Solid Waste Management Center thara in sawn tura buaipui mek a nih thu pawh Pu Tawnluia hian a sawi a, he center hian a zawh dawn loh avangin Sihphir, Luangmual leh hmun dangah Solid Waste Management Center dang siam tura inbuatsaih mek a nih thu a sawi bawk.

Hawnna inkhawm hi P&E Minister Pu R Lalzirliana, Agriculture Minister Pu C. Lalrinsanga leh RD Minister Pu Lalruatkima te bakah a MLA Pu F. Lalnunmawia leh Pu C. Lalmuanpuia ten an hmanpui a ni.