Hemi puala inkhawm tawi buatsaihah Prof. F. Lalnunmawia chuan mahni in chhunga faina ngai pawimawh mi tam tak an awm tawh laiin vantlang inthiarna leh vantlang hmunte erawh a la \awp \hin hle chu veiawm a tih thu a sawi a, thianghlimna kawngah nasa leh zuala \anlak a \ul a ni a ti. MLA hian Community Sanitary Complex sakna khaw paruk a khawtlang hruaitute hnenah an khaw chhung \heuha CSC chabi leh thlalak a hlan a ni.
PHED Rural WATSAN sub division SDO Pu Liantluanga Chohte sawi danin Aizawl district chu pawn lera inthiar awm tawh lohna, Open defection free district a puan a ni tawh a, Aizawl district ah CSC 52 sak a nih tawh thu a sawi.
CSC hi khaw pasarih- Falkawn, Phulpui, Lungsai, \hiak, Sumsuih, Hmuifang leh Lungleng-ah te sak a ni a, hmun \henkhatah chuan a enkawltute luah tur dawr te siam sak an ni a, ZMC-ah chuan rualbanlote inthiarna hmun tur siam tel a ni.
