Chennai-a man tlawm zawka thlai thar zawrhna Koyambedu bazarah mi 2,600 vel coronavirus kai an awm a, he bazar hi hri inkaidarhna hmunah puan a lo ni tawh a ni.

Koyambedu-a hnathawktute zinga mi 2,600, hri kaite bul hnaia lo khawsa tawhte chu chhui zui mek an ni a, tun dinhmunah Tamil Nadu-ah hian mi nuai 2 chuang enfiah an ni tawh a, hri kai zingah za zela 0.67 an thi a ni. Tukin thleng khan Tamil Nadu-ah hian hri kai mi 9,227 an awm tawh a, mi 64 an thi a, case hmuh belh thar berah darkar 24 chhungin mi 509-in an kai a ni.