Chhawmdawlna thilpek hi Territorial Commander Commissioner, Lalzamlova hovin, Territorial Headquarters Staff ten an hlan a, mithi chhungte hnenah Rs. 5000 \heuh an pe a. He chhiatna avanga tuartute pualin Leitan Branch YMA kutah Buhfai, Alu, Dai leh Tel engemawzat an hlan bakah, hnatlangte chhawmdawlna atan Leitan Branch YMA hi Rs.10000 an hlan bawk. Chhandamna Sipai Pawl hotu te hian hliam tuar Synod Hospital Durtlang-a awm mek te pawh Rs. 2000 theuhin an kan bawk. Central North Division Divisional Commander Major Chawnghluna pawhin Leitan Branch YMA hnenah hian chhawmdawlna thilpek Rs.10000 a lo hlan tawh bawk a ni.
