Chhim chhak tlangdung Group YMA ten an chak lakna kawngpui \ha lo chungchangah na zawkin sorkar an kar.
Chalfilh Group YMA huam chhunga YMA, VC leh tlawmngai pawl hruaituten Tuirini lei chim rang taka dawh \ha tur leh a helna kawng siam\ha thuai tura sorkar an phut thu Inrinni-a an puan hnuah Tuivai Group YMA huam chhunga Village Council leh Branch
YMA hruaitute vawiina Suangpuilawna \hukhawm chuan June thla chhunga sorkar in a tihpuitlin ngei tur thil phut chi 6 an siam ve leh a, Tuirini lei a chhiat tak avanga Aizawl an panna kawng ber Suangpuilawn leh Phullen inkar kawng siam mek chu kumin fur chhung atan englai pawh a motor tlan theih turin tun a\angin contractor-ten siam rawh se tih te, Khawlian leh Daido inkar kawng chu contractor leh YMA Tuivai Group hruaituten hna thawh dan tur an ruahman ho ang ngeia thawh ni rawh se tih te, PWD Saitual division ah chak taka hna thawk thei Executive engineer Sorkar in dah rawh se tih te a tel a, hei bakah hian Suangpuilawn leh North Khawlek inkar kawng siamna tur kum 2017-2018-a cheng nuai 13 hmanga kawng khuar, leia an hnawh leh, Suangpuilawn leh East Phaileng inkar kawng cheng nuai 20 hmanga siam te chu PWD Minister in a enpui an phut thu pawh sawiin, kawng siam dan chu bial chhung mipuite hmuhsitna leh zahlohna ah an ngai tih an sawi a, an thil phut chungchangah hian tun thla chhunga hmalakna a awm lo anih chuan a \ul ang zela hmalak an tum tih an sawi.
Tuisual Group YMA leh a huam chhunga VC, NGO leh Political Party hrang hrang aiawhte vawiina Sakawrdai Community Hall-a inhmukhawm pawhin na takin sorkar an kar bawk a, Tuirini Lei, February ni 13-a chim tawh, vawiin thlenga dawh \hat leh a la ni lo chu an hriatthiam loh thu sawiin, July thla chhunga dawh zawh a nih loh chuan lungawi lohna entir nan Tuisual Group YMA bial chhunga zirna in zawng zawng leh sorkar office zawng zawng khar an tum thu an sawi a, Independence Day lo thleng tur pawh hman ve loh nise an ti a, PWD Minister a ngawi reng chu an hriatthiam loh thu leh an dem thu an sawi a, Tuirini lei siam mek chu a hmuna tlawh thuai tura an phut thu an sawi. Hmar tlang dung kalna tur Saitual Buhban Khanpui kawng chhe lutuk pawh siam \ha turin sorkar an phut bawk a ni.
