Chief Electoral Officer, Pu Ashish Kundra-a karleh ningani-a Lok Sabha member thlanna leh Aizawl West I bial Bye Election neih tura inbuatsaihna hrang hrang peihfel thawkhat a ni tawh tih a sawi.

0
337
views

Vawiina Aizawla chanchinbumite a kawmnaah Pu Ashish Kundra chuan, tunkar chho khan Lok Sabha inthlanna neih tura inbuatsaihnate enfiahin District hrang hrang a tlawh thu leh inbuatsaihna chu peihfel thawhkhat a nih thu sawiin, \um danga an lo tih \hin tawh angin boruak muanawm tak hnuaiah inthlanna thianghlim leh felfai a awm ngei a beisei tih a sawi a, hei hi a taka a thlen theih nan Mizoram mipui zawng zawng chu thawhpuiah a sawm a ni. CEO chuan, Mizoram mipui zawng zawng chu Lok Sabha member thlanna leh Aizawl West I bial Bye Election neih turah Vote thlak vek tura sawmin, vote thlak chu khua leh tui chanvo a nih rualin an mawhphurhna a ni tel tih hriat a ngai a ni, a ti a. Mizorama inthlanna neih tawh \hinahg Mizoram People Forum hmalakna zara inthlanna thianghlim leh felfai a awm \hin chu thil lawmawm tak a ni tih sawiin, tuna inthlan neih leh turah pawh MPF chu an theihna zawna \anla leh turin a sawm a. Vote thlakna hmun tinah Duty insiam leh tura ngenin, hei hi MPF hruaitute pawh hmaichhawnah kawm a, thawhpuia sawm a tum thu a sawi.

Pu Ashish Kundra chuan, Jt. NGO Coordination Committee-in an ngenna ngaipawimawha karleh thawh\anni a\anga Total Bandh neih an tum an \hulh leh chu an lawm hle tih a sawi a. NGO-te puihna tel lo chuan inthlanna hlawhtling a awm theih dawn loh avangin an ngenna an tihlawhtling chu thil lawmawm tak a ni a, inthlanna hlawhtling a awm theih nan NGO hruaitute chu theihtawp chhuahpui turin a sawm nghal a ni. Puan tawh \hin angin tun thla ni 11-a Lok Sabha member thlanna leh Aizawl West I bial Bye Election neih tura Campaign theih hun chu karleh thawhlehni tlai dar 5-ah a tawp tawh dawn a, hemi hnuah hian Political party leh Candidate te tan Campaign-na lam hawi reng reng engmah tih phal a ni tawh dawn lova, hei hi zawm \heuh turin Political Party leh Candidate-te chu ngen an ni tih CEO chuan a sawi.