Chief Minister, Pu Lal Thanhawla chuan nimin khan Lungdai YMA Hall-ah Lungdai Health Security Scheme a hawng. He Health Security Scheme hi Lungdai khawtlang hruaitu, Gram Sabha leh mipuiten an khuaa damlo an tanpui theihna tur a ni.

0
291
views

Hawnna thu sawiin Chief Minister chuan Lungdai Health Security Scheme siam chu Mizorama awm hmasa ber niin a sawi a, hei hian sorkar hnathawk awm lohna chhungkua leh Health Insurance nei ve lote tan \angkai takin hna a thawk dawn niin a sawi a ni. He inkhawmah hian Health Minister, Pu Lal Thanzara pawhin thu sawiin, khawtlang mipuite ham\hat nan leh hmasawn nan ngaihtuahna thar senga he Security Scheme hi siam niin a sawi a ni. Lungdai Health Security Scheme hi Lungdai khaw mi damlo damdawi ina enkawl ngaite sum mamawh ngaihtuahsakna tur atan Village Council leh Pawl hrang hrang \angrualten an din a ni a, sorkarah inregister vekin, he society hian dan angin hna a thawk dawn a ni. He Scheme hawnna inkhawm hi Bialtu MLA, Pu Hmingdailova Khiangte-in a kaihruai a ni.