Chief Minister Pu Lal Thanhawla chuan Pu R. Lalzirliana’n Home Minister a nihna a\anga nimina banna a thehluh chu tunah a pawm dawn leh dawn loh a la sawi theilo tih a sawi.

0
403
views

Vawiina Lunglei Congress Bhavana inkhawm neih zawha kan Zonet Reporter Thanghmingliana Renthlei zawhna chhangin Chief Minister chuan he thil thlen hun hi a zin hlan a ni tih sawiin Media a\angin a lo hre ve chauha, tun dinhmunah tun dinhmunah thil sawi theih a la nei rihlo niin a sawi a ni. He mi hma lama Lunglei Congress Bhavana inkhawmah thu sawiin Pu Lal Thanhawla chuan Pu R Lalzirliana Minister a\anga a ban thu a hriat thu leh engtia kal zelnge a tum chungchang pawh a hriat loh thu a sawi a ni. Pu Lal Thanhawla chuan Saitual changlo, District thar siam dil ve, Khawzawl leh Hnahthial bialte chu Congress MLA-te awmna bial ve thu a ni tihte, heng bial MLA te hian Pu R Lalzirliana angin District thar siam chungchang hi an buaipuilo tihte a sawi a ni. Pu Lal Thawnhawla chuan Mizoram hmasawnna tur hna thawh liantham zawng zawng chu Congress sorkar laia tih deuhvek niin a sawia, NLUP avangin Mizoram Gross Dometic Product a punga, ram pum huapa State hrang hrang GSDP a\anga teh pawhin a sang zual 4 zingah a Mizoram chu a tel phak niin a sawia, ram pum huapa chhungkaw mal sum lakluh zat nena khaikhin pawhin Mizoram a chhungkaw mal sum lakluh zat chawhrual chu rampum a chhungkaw mal sum lakluh chawhrual aiin sang telin a tam zawk niin a sawi a, Bairabi a\anga tuna Sairang thelgn tura relkawng siam mek chu Sairang a\angin Lawngtlai thleng siam chhunzawm leh tum a nia, he rel kawng thar siam tur Survey hna hi zawhfel tawh niin a sawi a ni. He inkhawma thusawitu dang, Horticulture Minister Pu PC Lalthanliana chuan Polictic a ram kaihruaitute chuan rampum pum huapa ngaihtuahna an sen a \ul thute, an mahni bial chauh ngaihtuah thei an nihloh thute a sawia, Youth Commission Chairman Pu Lalhimpuia MLA pawhin Pu Lal Thanhawla kaihhruaina hnuaiah Congress Party-ah chhuakte, lut tharte awm \hin mahse, Pu Lal Thanhawla Policy leh kaihhruaina chu a ngaiin a kal reng niin a sawi a ni. He tih lai hian Zonet thu dawn danin Cabinet Minister a nihna a\anga Pu R Lalzirliana’n a banna nimina Chief Minister Office-a a thehluh hi Chief Minister zin chhuah vangin a awm ngaiin a la awm a ni.