Chief Minister Pu Lal Thanhawla chuan PWD Chief Engineer (Highways) Office Building thar,Rs. 8,19.30,000/- senga sak nimin khan a hawng.

0
253
views

Hawnna thu sawiin Chief Minister chuan PWD chu hmasawnna ruhrel pawimawh siamtu leh mawhphurhna sang tak nei a ni tih a sawi a, hnathawktute chu an mawhphurhna san zia hriaa rinawm tak leh \hahnemngai taka hnathawk turin a fuih a ni. Pu Lal Thanhawla chuan Mizoram chhungah kawng \halai tam tak awm mah se kumin fura ruah sur nasat avang leh chhan hrang hrang avangin State pumah kawng a \ha rual vek thei lo niin a sawi a, kawng siam leh enkawl kawngah tun aia nasa zawka \an la turin hnathawktute a fuih a ni. He inkhawmh hi Engineer-in-Chief, Pu R. Vanlaltluanga’n a kaihruai a ni.

PWD Chief Engineer Highways office building thar hi kum 2016 a\ang khan Special Plan Assistance sum hmanga a sak \an a ni a, kumin September thla khan sak zawh a ni. A zau zawng belhkhawm hi sq.meter 2209.42 a ni a, a hnuaiah motor dahna leh choka a awm a, chhawng khatna pawh lirthei ke hnih nei chi 70 vel dah theiha siam a ni a, chhawng hnihna leh chhawng thumna chu office atan hman a ni.