Chief Minister, Pu Lal Thanhawla kaihhruaia nimin chawhnua Cabinet meeting neiha thutlukna siam te nghah mek a ni

0
280
views

Chief Minister, Pu Lal Thanhawla kaihhruaia nimin chawhnua Cabinet meeting neiha thutlukna siam te nghah mek a ni. Hemi chungchanga ZONET zawhna chhangin sorkar hotute chuan an thutlukna siam ziaka dah chu Chief Minister Pu Lal Thanhawla’n a pawmpui hnuah Chief Secretary-in a hming a ziah hnan anga, chumi hnuah chauh chuan mipui hriat tura puanzar theih a ni dawn a ni. He Cabinet Meeting-ah hian thu ngaihtuah tura chhawpchhuah 57 a awm a, puan tawh angin heng zinga pakhat 7th Pay Commission report anga Mizoram sorkar hnathawkte hlawh pek dan tur Mizoram Pay Committee-in a ruahman chu tlem tihdanglama pawm a ni a, he thutlukna siam hi sorkar hnathawk nghet mi 42,000 vel bakah pension la mekte, adhoc-a thawkte, contract-a thawkte, deficit school-a thawk leh UGC scale la zirtirtute, State sorkar hnuaia Public Sector Undertaking-a thawkte leh Autonomous District Council hnuaia thawk mi 34,000 velte chuan an hlawkpui dawn a ni. Hlawh bi thar ang hian kum 2016 January ni 1 a\anga sorkar hnathawk hlawh pek a ni anga, amaherawhchu sorkar hnathawk ten tangkafaia hlawh thar an lak theih hun tur chu kumin September ni 1 a\angin a ni ang. Pay Commission 7-na ruahmanna siam anga Mizoram sorkar hnathawkte hlawh pek ve a nih hun chuan sorkarin kumin sorkar kum chhung hian cheng vaibelchhe zali vel a sen belh a ngai dawn a ni. An thu ngaihtuah zingah hian Mizoram hmun hrang hranga District thar siam diltute dilna ngaihtuahtu, District Re-organization Committee report leh rawtna siam te, Mizoram Institute of Medical Education & Research Falkawna thawk tur Staff Nurse 70 lakbelh rawtna te, Bawngkawn Brigade Area-a pass leh Residential Land Certificate lo pek chhuah tawh cancel sak lehna tur te pawh a tel a ni.