Chief Minister Pu Lal Thanhawla Serchhip CJM hmaah hian a inlan

0
260
views

Kum 2013 Mizoram Assembly Election-a Pu Lal Thanhawla’n a thil neih tarlanna affidavit-ah Kolkata New Town-a a ram neih a tarlang lova Pu Lalhriatrenga Chhangtein a puhna chu Serchhip Chief Judicial Magistrate, Pu Lalngaihmawia Zote in ngaihtuah zui tur thutlingah a pawm.

Chief Minister Pu Lal Thanhawla hi vawiin khan Serchhip CJM hmaah hian a inlan a, a thil neih tarlanna affidavit-a Kolkata New Town-a a ram neih tarlang lova puhna hi court chuan Representation of People’s Act Section 125-A hnuaiah June ni 25-a ngaihtuah zui turin a ti a, kum zat ziak dik lova Pu Lalhriatrengan a puhna erawh Court-a putlut theih hun chhung, kum khat a ral tawh avangin ngaihtuah zui loh turin a hnawl thung.

Thubuai thehluttu Pu Lalhriatrenga Chhangte chuan Chief Minister chu Representation of Peoples Act Section 125 hmangin Serchhip CJM chuan a charge fel dawn ta tih leh he thubuai hi hearing vawi hnih khatah chinfel theih a beisei tih a facebook wall-ah a tarlang a ni.

ZONET zawhna chhangin Pu Lal Thanhawla Ukil Pu Laithanpuia chuan amah leh leh ukil dang Pu Lalremsanga Nghaka’n Chief Minister hi an dinpui tih a sawi. Thubuai thehluttu Pu Lalhriatrenga Chhangte chu he thu thehluha hriatpuitu Pu Kapliana Pachuau te, Advocate Pu C. Lalramzauva leh Ukil dang pathum, Pu Ramthianghlima, Pu Lalkhumsanga leh Pu L. Lalnunsiama ten an dinpui a, he thu thehluh hi ngaihtuah zui zel tlak a nih leh nih loh chungchangah thu thehluttu Ukil te leh Pu Lal Thanhawla Ukil te chuan an \anna ve ve Court-ah an tarlang a, hemi hnu hian Court chuan Kolkatta-a Pu Lal Thanhawla ram neih chungchang inthlan dawna affidavit-a tarlang lova Pu Lalhriatrenga puhna chu ngaihtuah zui turin a pawm ta a ni. Serchhip Chief Judicial Magistrate Court-a Pu Lal Thanhawla inlan tura a kal hi Serchhipa Congress Party mi \hahnem takin Court tualah an lo hmuak a, Pu Lalhriatrenga Chhangte pawh hi Serchhipa MNF Party mi \hahnem takin an \awiawm bawk a, boruak chhia leh buaina lam hawi thil thleng erawh a awm lo a ni.