Council of Minister ngaihtuah tura chhawp chhuah zingah hian Guwahati Mizoram House ram lei belh chungchang te, The Mizoram (Election to Sinlung Hills Council) Rules, 2019 te, Allocation of Business Rules, 2019 chungchang te, The Mizoram Clinical Establishments (Registration & Regulation) (Amendment) Rules, 2019 chungchang te a tel a, ruihhlo ngaite enkawlna hmun ten dan hnuaia an tih tur leh tlin tur chin bithliahna The Mizoram Drug Treatment cum Rehabilitation Centre (TRCs) Accreditation Rules 2019 pawh council of ministers \hukhawm hian an ngaihtuah a ni.
School Education dept hnuaiah Aided leh Non formal Primary School Teacher 36 te dah ngheh rawtnate, Supply Dept rawtna anga FCI Regional Office puitling Aizawla hawn chungchang te, Champhaia CHANEM building, District & Session Court atana hman rawtna te pawh an sawiho a, Mizoram Youth Commission Rules thar duan chhin leh The Mizoram (Land Revenue) (Amendment) Bill, 2019 te pawh an thlirho a ni.
