Chief Minister, Pu Zoramthanga hovin COVID-19 hri leng vanga loneitute harsatna sutkian dan tur vawiin khan sawi ho a ni.

0
724
views

Covid 19 hri leng vangin hmun thenkhata Mizo leilet neituten hnam dang hnathawktu an chhawr te an ram lama an haw avanga harsatna chungchang te, lei lehna tur hmanraw awm loh avanga leilet siam lohva awm mai tur, khawl hmanga thawh thuai theih nana hmalak dan turte an sawi ho a. Hemi piah lamah hian hmun dang danga hlawk zawk leh mihring tha seng tlem zawka buh thar tura ruahmanna awm leh project siam te an thlir ho bawk.

Thutkhawmna kaihruaitu Chief Minister Pu Zoramthanga chuan, ei tura intodelh chu sorkar-in a ngaihpawimawh thu leh State sorkar flagship programme, SEDP pawhin a tum pui ber zing a mi a nih thu a sawi a. Intodelh pawimawhzia chu tuna COVID-19 hri leng hian a ti chiang zual a ni a ti a, tun dinhmunah Agriculture, Horticulture, AH & Vety leh Department dangah hmalakna thar siam belh a tul tih a sawi.

Sawi honaah hian Agriculture leh Irrigation & Water Resources Minister Pu C. Lalrinsanga leh Department hotute an tel a ni.