Chief Minister hian agriculture lama hmalaknaah chaw-a intodelh chu sorkar ngaih pawimawh hmasak ber a ni a ti a, Mizoram a intodelh chuan thenawm state-ah buaina eng emaw lo thlen vanga supply lama buaina tawh \hin a bo thei dawn a ni a ti a, Agriculture department in an chhut dan in Mizoramah buh leh thlai chin theihna hectare 70,000 chuang a awm a, hman thiam chuan state chhunga cheng mipui te a chawm zo vek dawn a, hlawk zawka buh leh bal thar chhuak thei turin khawl tam zawk hman tum tur a ni, a ti.
Chief Minister hian, leilet, khawl hman mai theih lohna ram siam rem chawp ngaite leh leilet siam belh zel te tum a ni a ti bawk. |hutkhawmnaah hian Agriculture Minister Pu C. Lalrinsanga leh Agriculture Development Board Vice-chairman Pu H. Biakzauva, Mizoram State Planning Board Vice-Chairman Pu H. Rammawi leh Adviser to CM Pu C. Lalramzauva te an tel a ni.
