Chief Minister, Pu Zoramthanga’n an sorkar hmasak khan experience an neih mumal loh vangin hmalak an harsat a, tunah chuan kum 10 chhung eptu pawl an nih laiin thil tam tak an zir a, chak zawka hmalak theih an inbeisei tih vawiina sorkar thar lakluh a nih hnua thuthar lakhawmtute a kawmnaah a sawi.

0
1170
views

Zawhna chhangin Pu Zoramthanga chuan, campaign au hla atana an hman Aizawl Traffic Jam tireh tura an intiamna chu theihtawp chhuaha bawhzui nghal a nih tur thu a sawi.

Sorkar hmasa hmalakna \ha awmte chu chhunzawm a nih tur thu leh BJP kaihhruai NEDA-a an tel chungchangah an party thuneitu sangin thuthar a neih loh chuan tel chhunzawm zel an tum thu Chief Minister chuan a sawi.

Pu Zoramthanga chuan, MNF sorkar hmasain District 3 a puan tawh vawiin thlenga la function lote chu function tir a nih theih nan chak taka hmalak a nih tur thu leh sorkar kum tharah suam pawh dah a, a taka hnathawh tir tum a nih thu a sawi a. A kaihhruai sorkar chuan, Mizoram Economics tihhmasawnna tura Socio Economic Development Programme an duan hmanga hmalak a nih tur thu leh hun rei lote chhungin Mizoram chu India rama per capita income sang berte zinga miah siam an tum thu a sawi a. Hei bakah hian zu leh damdawi vanga harsatna tawk mekte chhanchhuak turin zu leh damdawi tihrem tum a ni a, hemi vanga harsatna tawkte chhanchhuak tura hmalak a nih dawn bakah hmun hrang hranga inkalpawhna kawngpui \ha lote chu a rang thei ang bera siam\hat tum a nih tur thu Pu Zoramthanga chuan a sawi a ni.