Vawiina an party in Martar te ni an hmannaah thu sawiin MNF President nibawk Pu Zoramthanga chuan, party dangin MNF an beihna chi hrang hrangte chu hriatthiam an ngai tih a sawi.
Pu Zoramthanga chuan, Pathianin hnam thutlung meichher tundin a tumnaah eptuten beihna tur an tlachham hle tih sawiin an thu pawh a sepsel hle a, hruaitu pawimawh sawi atan chuan a neu deuh nia a hriat thu a sawi a, a fawng vuantu lam nih loh avangin sawisel tur an zawng a, amah pawh rua leh pawisa sawichhuah lam pang lo chu sawi tur a hre lo, Chakma Minister atan lakluh a tum tih zawng te in a theih dan danin an sel tih a sawi a, hengte hi ngaihkhata ngaih mai tur a ni a ti.
