Chief Minister Pu Zoramthanga’n kum 2019-2020 Mizoram budget-a hnathawhna tura sum dah hnathawhna tura pek chhuah mek leh pek chhuah mai theih tur a awm tih a sawi.

0
52
views

Work order pek chhuah chungchanga ngaihdan inang lo karah Finance changtu Chief Minister Pu Zoramthanga hian TV-a tih chhuah tur thuchah a sawiah sorkar sum enkawl dan a sawifiah a. Pu Zoramthanga hian sorkar pawisa kum liam ta, 2019-20-ah Dept tam takah hnathawhna tur pawisa pek tawh a awm tih a sawi a, chung dept te chuan an pawisa pawh lo la chhuak tawhin, K deposit ah te, hmun hrang hrangah te lo kawlin, hna thawk mai turin an lo inpeih a, work order in pek fel tawh te, pek leh mai tur te a la awm tih a sawi. Heng sum te hi hmun danga hman theih a ni tawh lova, hman a nih loh chuan lapse ringawt tawh tur a ni a ti.

Chief Minister Pu Zoramthanga hian tuna sorkar pawisa kum kallai kum 2020-21 chhungin hrileng vangin India sorkar atana sum hmuh nasa takin a tlahniam tih a sawi a, hei vang hian kumin budget chu mamawh zualpui, hlawh atan te, bufai lei nan te, electrict lei nan te, tui pump na atan te leh, covid dona atan te rencham taka hman a ni a ti a. Kawngpui chhe lutuk tur venna atan pawh a theih ang ang khek a ni bawk a. Loh theih lohah te lo chuan hna thar thawh nan hman ngam a ni rih lo a ni a ti.