Chief Minister hian Covid 19 beih nan pawisa pawh a tul ang zelin hman a ni dawn tih a sawi a, mi \henkhatin SEDP sum hman an rawt thuah SEDP pawh hman a ni ang a, SEDP lo pawh hman a ni ang a, a mamawh ang zelin ren lo leh ui lovin hmang a ni dawn tih a sawi a, mipuite pawh thlamuang taka awm turin a chah a ni.
Hna thawk lova kan inkhung dawn avangin thla khat chhung chu AAY leh Priority House Hold PHH te a thlawnin buhfai pek an ni dawn a, a man chu sorkarin a pe dawn a. Tumah chhuanchham an awm loh nan sorkarin hma a la dawn a ni.
Mizoramin ei leh barah harsatna a tawh loh nan Supply Task force pawh din a ni tih a sawi a, mipui ten an lei theih dan tur pawh ngaihtuah zel a ni dawn tih a sawi.
ZMC ah hri kai te a hranga enkawlna tur ruahmanfel a ni a, positive awm pawh dah hran mek a ni a, midang an lo awm leh palh a nih pawhin a enkawlna tur a awm tih a sawi a, chiai lo turin mipuite a chah a ni.
Damlo enkawltute inthuamna tur Mizoramin a neih sa bakah Delhi lamah a siamna hmunah chah a ni a, sang 8 lakkhawm a ni a, a rawn thlen thuai theih dan tur ngahtuah a ni a ti a.
Hri kai leh kai lo test na pawh nei ve thuai turin hma lak a ni a, tun dinhmunah phai lamah awlsam tea thawn-a hriat thuai theihna turin hma lak a ni tih a sawi aa sawi.
Chief Minister hian hri leng laka Mizoram a him theihna turin Cabinet meeting \um hnih koh a ni tawh tih a sawi a, hmalak dan tur chi hrang hrang a siam angin sorkar kut leh ke ten an bawhzui a. Mipui khuahkhirhna pawh na zawka kalpui mek a ni a ti.
Political Party aiawh leh NGO te leh MLA te nen rorelho rawtna awm chu mi tam tak punkhawm \ulna tur a nih avangin thil tih chi a ni lo tih Chief Minister hian a sawi a, thurawn tur nei reng rengin phone hmangin thurawn a inpek theih reng a ni a ti a. Rorel lai leh eptu pawl tih sawi theih a ni tawh lo a ni a ti.
India ram chu tun dinhmunah a ziaawm zingah a la tel a, lengpui airport khar avanga khualzin tangkhang te buaipui turin house hrang hranga DRC te hrilh an ni a, harsatna lian tham an tawh loh thu an rawn sawi a nia ti.
MP pahnih Pu C. Lalrosanga leh Pu Ronald Sapa tlau te pawhin an theihtawpin hma an la chu lawmawm a tih thu a sawi a, CM relief Fund-a sum thawhtute chungah lawmthu a sawi.
Sorkarin theih tawpin a thawk anga, thawktuten theihtawpin an chhuah anga, Pathian-in zawh loh khawp a phurh tir lovang tih ringa thlaphang lo turin Zoram mipuite a chah a ni. CM thusawi hi zanin dar 8 ah tih chhuah a ni ang.
