Vawiina Mizoram Horticulture Service Association-in General Conference vawi 23-na Aijal Club-an neih a hmanpuinaah Pu Rama hian, Rua hmanga intodelh turah hma an lakna turah Central lam chu kaih harh chawp an ngai tih a sawi a, hemi chungchang hi Niti Aayog Vice Chairman hnenah \um engemawzat a sawipui tawh thu leh a ni berin a tuipui hlauh chu thil lawmawm tak a ni, a ti. Pu Rama chuan, February ni 24 hian Guwahati-ah Niti Aayog meeting a awm dawn tih a sawi a, hetah hian Rua hmanga intodelh tura \anlak dan tur leh a sawngbawl chungchang sawi turin Niti Aayog Vice Chairman-in amah chu a sawm tih a sawi a, Budget Session neih lai ni dawn mah se, tihhlawhtlin hram dan ngaihtuah a tum tih a sawi. Niti Aayog Vice Chairman nen an inkawmnaah Rua hmanga hma an laknaah sum awm theite ngaihtuahpui turin a ngen tih pawh Pu Rama hian a sawi a, Delhi lam puihna dawng lo mah se, State Sorkar budget a\anga kalpui a ni dawn tho tih a hrilh thu a sawi a, an hlawhtlin hunah chuan hmana nuihza siam nana hmang \hinte pawh khan ‘kan va lo hre lo em’ an la ti dawn a ni, a ti.
Horticulture changtu nibawk Chief Minister, Pu Zoramthanga hian, Rua chu hman \angkaina tam tak a awm tih sawiin, tuna Raw lian chi an chin tur phei chu a hlawhtlin tak tak hunah chuan pumkhat cheng 200 ni lovin cheng 300/400 vela an hralh theih a rin thu a sawi a. Tuna pawimawh ber chu a inthlahpun theih nana a nau hringtu tur tihpuitlin hmasak a ni a. An phun hmasak ber chu a khur chovin, lei\ha nen Tlumpi Lalnu enkawl tluk zeta duat a ngai a. Hei hi a hlawhtlin chuan, a tuai lo pung zel tur pawh a len dawn avangin a bul\anna chu uluk a ngai a, chumi hnuah chuan amahin no a hring zung zung thei tawh dawn a ni, a ti.
