Vawiina State Day lawmna inkhawmah Pu Rama hian, Mizoram chu rambuai karah kum 10 chuang UT a ni chungin ram chhungah hriat a hlawh lo hle tih a sawi a, Mizoram State piang turin remna siam a ngai a, ramhnuai sorkar a chak vang lai a nih a ngai a, NGO leh kohhran leh mipui lungrual taka an chet a ngaih bakah central sorkar chak taka a awm a ngai bawk a, chung zawng zawng in fawk khawm chuan, Mizoram State leh a bika enkawlna tur chu a hring chhuak a ni a ti.
Pu Rama hian, State nei turin official a inbiak na kum 1971 March a\anga neih \an a nih thu a sawi a, a hnu kum 1986 tleng inbiak a nih thu sawiin kum 15 inbiak a nih hnuah State a lo piang hram a ni a ti a, State a piantirtu Pathianin Mizoram chu hnam te hnena meichher chhi eng turin a duh niin a sawi bawk a, remna kawnga hmala turin India, Myanmar leh Bangladesh sorkarin Mizoram chu a mamawh a ni a ti a, hemi tur hian Mizoram chu an au mek a ni a ti.
