Vawiin Assembly rorel inkhawmah he thu hi a sawi a, Pu Rama hian chemical hmanga siam leichi leh rannung thahna hlo ang chi te chu mihring hriselna atan a \ha lo tih a chiang a, thlai chin tharna hmun apiangah organic farming kalpui tum a ni a, organic hmanga thar chhuahte chu certificate pe-in a zawrhna tur hmun bik siamsak tum an ni a ti a, MLA te chu an bial \heuhah organic farming kalpuina tur ram thar bawh tur an hriat a nih chuan sorkarin chak taka bawhzui a tum a ni a ti.
(bite)
Chief Minister hian Mizoram-a leilet siam tawh saah te chemical fertilizer hman nasat a lo nih tawh avangin organic-a let tur chuan kum 3 kum 4 a ngai dawn tih a sawi a, organic hmanga siam lei tih \hatna, organic fertilizer siamtu company te pawh sorkarin a dawr tawh a, organic farming chu a tahtawla kal chhohpui tum a ni a ti. Pu Rama hian chemical fertilizer leh DDT ang chi te chu raw chinna turah mamawh a ni tho dawn tih a sawi a, Mizoram quota tura chemical fertilizer chawk luh, Myanmar lama thawn luh \hin chu tihtawp tum a ni ang a ti bawk.
