He thu hi nizana YMA General Conference neih a hmanpuinaah sawiin Pu Zoramthanga chuan, ram leh hnam hunhalh kawngah YMA chu hmala tu tha ber zinga mi a ni a, thupuiah pawh tum engemaw zat lo hmang tawhtu pawl a ni a ti a. Pu Zoramthanga chuan amah pawh ram leh hnam humhalh tura a nasa thei ang ber chia lo kal tawhte zingah a tel tih a sawi a, India nena thluak nena indawr ngaihnaah pawh a lo tel tawh \hin tih a sawiin YMA in ram leh hnam humhalh a tuipui chu ropui a tih thu a sawi.
Pu Zoramthanga chuan, Mizo hnam hi eng turin Pathianin a buatsaih a ni chu chhut nawn fo a \ul a ni a ti a, mi \henkhatin Mizote fel lohna leh \hat lohna nasa takin an sawi a, pulpit tlang a\ang pawhin sawi tam a hlawh hle a, a \ulna chin awm mahse tih luattuk a hlauhthawnawm a ni a ti a, ram leh hnam, mipuite beidawng khawpa sawi a hlauhawm a ni a ti.
Pu Zoramthanga chuan sualna nei lo ram leh hnam tumah an awm lo tih sawiin thalai te bei ti beidawng khawpa sawi chu thil fel lo a ni thei a, mi\ha leh baal hmaa \hing\hi ngai lo mi tam tak an awm tih hriat fo tur a ni a ti.
Pu Zoramthanga hian, Mizoram chu ram dangte neih loh buruak tha leh ram tha tak Pathianin a pe tih sawiin hei hi hmang thiama Pathianin malsawmna a dah haichhuak tur zawnga ngaihtuahna sen a ngai a, a beidawng zawnga thil kalpuitute chu hnam tan hmelma an ni a ti.
