Chief minister hian vawiin khan Se\hawn hi tlawhin tihlen leh tihchangtlun dan turte a en a, Mizorama zu leh ruihhloa buai zaa 80 tal enkawl theihna hmun tura siam tum a ni ang a ti a, ruihhlo ngai mekte tihdam hna thawh rualin ruihhlo tih rem kawngah pawh sorkarin theihtawp chhuah a tum a ni a ti.
Mizoram Social Defence & Rehabilitation Board kaltlangin Sorkar chuan ngawlveite chhanchhuah mai bakah an damchhuah huna eizawnna ngelnghet an neihna tur thlengin a ngaihtuahpui dawn tih Chief Minister hian a sawi a, mimal enkawl ruihhlo ngai enkawlna hmunte pawh sorkarin \anpui a tum a ni a ti.
Se\hawna de addiction centre hmunhma awmsa bakah a bul vela sorkar department dang ramte pawh lak tum a ni tih Chief Minister hian a sawi a, Mizoram chhung mai bakah India ram hmundang a\anga a mamawhtuten an pan theih tur ‘damna hmunpui’ siam sorkarin a tum a ni a ti a, tlawmngai pawl leh Kohhran te puihna sorkarin a mamawh dawn tih a sawi bawk.
Social welfare minister Dr K Beichhua pawhin zu leh ruihhlo avanga \halai tam tak an buai chu sorkarin a ngaimawh a, chhan chhuak turin sorkarin hma a la dawn a ni a ti.
Mizoram Kohhran Hruaitute Committee chairman Rev R Lalhmingthanga leh Central YMA vice president Pu R Lalngheta te pawhin thu an sawi a ni.
Sethawn De-addiction Centre \hin hi tunah chuan after care leh vocational training centre bakah Observation Home te dah a ni.
