Tripura Transist Camp-a Tuikuk awmte Tripura-a an awm hlenna tura inremna ziaka New Delhi-a kal Chief Minister Pu Zoramthanga hian vawiin khan Aizawl a lo thleng a. Lengpui \umhmuna an Party miten an lo hmuahnaah Pu Rama chuan, kum 20 chuang Tripura-a awm ten Tuikuk-te chu Human Right hovin an nawr avangin Tripura sorkar leh Central sorkar pawhin Mizorama let turin an ti reng a, hetihlai hian Tripura a awm nghet law law se tih chu ama mimal duhdan a nih thu a sawi a, hei hi a thlen theih nan Union Home Ministry leh Tripura sorkar pawh an nawr a, \awngka leh ziakin an thlen bawk tih sawiin, theih tawpa an nawr angin a hlawhtlinna an hmu ta a ni, a ti a. Pu Rama chuan, kum 20 chuang harsatna lian tak awm \hin tihreh a ni ta tih sawiin, hei hi thleng lose a hautak chho hle dawn avangin he hlawhtlinna hi a lawm hle a, theih tawka hma an lakna Pathianin mal a sawm a ni, a ti.
Pu Zoramthanga chuan, Mizoramin University a neih chu MZU chu a tawt lutuk avangin zirlaite harsatna sukiang tura Higher and Technical Education Minister, Dr.Thangtea nen theihtawp chhuaha an nawr anga, Lungleia Southern Campus hawn a ni dawn ta chu lawmawm a tih tu a sawi.
