Mizoram a chemical fertilizer hmang lova thei, thlai leh pangpar thar chhuahte organic certification pek chungchang te, heng thei rah leh thlai tharchhuahte a hlutna belhchhah tura sawngbawl chungchang te, a hralhchhuahna kawng dap chungchang te Pu Rama hian FAO hotupa hi a sawipui a, \halai lehkhathiamte leh entrepreneur ten horticulture hlawkna an hai chhuaha, eizawnna atan mi tam zawkin an luhchilh theih dan tur an sawidun a ni. Sorkar thuchhuah tarlan danin FAO leh Mizoram sawrkar hian kuthnathawktute chawikan nan Farmer Field School (FFS) an lo buatsaih tawh a, he hmalaknaah hian serthlum leh lakhuihthei chin dan leh dahthata sawngbawl dan te kuthnathawktute zirtir an ni.
Chief Minister hi Planning Board Vice-Chairman Pu H. Rammawi leh sorkar hotute dangten an \awiawm a, hemi hmalam hian Road Transport and Highways Minister Pu Nitin Gadkari chu a pisaah hmu in Mizorama inkalpawhna tihhmasawn chungchang a sawipui bawk a ni.
