Chief Minister Secretary thar tur Pu J.C. Ramthanga’n vawiin khan Chief Minister Office, Mac Donald Hill-a a pisa thar a luah \an a, Pu JC Ramthanga hian Additional Chief Secretary hna a chelh bawk dawn a ni.

Chief Minister Pu Zoramthanga chuan Pu J.C. Ramthanga lawmna thu sawiin, ram hmasawnna atan theihtawp chhuahpuiah Chief Minister Office a thawk zawng zawngte a sawm a ni. Pu J.C. Ramthanga chuan Mizoram ngeia Mizoram tana hna thawk thei tura ruahmanna sorkarin a siam chu lawmawm a tih thu a sawi

Addl. Chief Secretary to CM Pu J.C. Ramthanga hi Manipur Cadre atanga Mizoram sorkar hnuaia Inter cadre deputation a sawn a ni a, tunah hian Indian Administrative Service ah scale sang berah hlankai a ni tawh a, Public Works Department leh Horticulture Department te a enkawl tel dawn a ni.