Chief Secretary Pu Lalnunmawia Chuaungo hova AH&Vety hotute vawiina thukhawmin vawk pul hri, African Swine Fever Mizorama a luh loh nan ram pawn leh state thenawm atanga vawk, vawk note leh vawk sa atanga siam ei tur lam chi lakluh khap an rel.

Thutkhawmnaah hian vawk pul hri African Swine Fever chu Assam leh Arunachal state ah a leng a, vawk sing hnih chuangin an thih phah tawh tih sawilan a ni a, he hri hi Mizorama a luh lohna tura chak zawka hmalatu tur, State Level leh District Level Coordination Committee din an rel a ni. Vawk pul hri African Swine Fever laka invenna damdawi emaw a enkawlna emaw a la awm lo a, he hri kai vawk chuan a thihpui ngei ngei a ni.